وزیرِ اطلاعات پنجاب فیاض الحسن چوہان نے کہا ہے کہ سابقہ حکمران "سوال گندم جواب چنا" کی پالیسی پر عمل پیرا رہے۔ حکمرانی کے دقیانوسی طریقوں نے ملک کو تباہی کے دہانے تک پہنچا دیا تھا۔ جدید دور کی مشکلات کا حل نت نئے طریقوں سے ہی ممکن ہے۔

وزیر اطلاعات پنجاب فیاض الحسن چوہان نے کہا ہے کہ رائز پنجاب پروگرام اور کرونا کے حوالے سے ورکنگ گروپ کا قیام اسکی مثالیں ہیں۔

وزیر اطلاعات نے کہا کہ وزیرِ اعلیٰ پنجاب سردار عثمان بزدار کورونا وائرس کے حوالے سے تمام آپشنز استعمال کر رہے ہیں۔ کورونا وائرس کے بعد کی مشکلات کے لیے رائز پنجاب فریم ورک تشکیل دیا ہے۔  رائز پنجاب سماجی تحفظ، سکول ایجوکیشن، گورننس اورصحت کی کم از کم بنیادی سہولیات سے متعلق ہے۔

انہوں نے مزید کہا کہ  کورونا کے بعد معاشی بحالی و استحکام، رِسک کمیونیکیشن اور رِسک فنانسنگ جیسے معاملات بھی رائز پنجاب کا حصہ ہیں۔